CHHAWHCHHI VEN NANA IPM

II. CHHAWHCHHI HMUN A RANNUNG, NATNA LEH RANNUNGTHA THLITHLAI

     A tum ber chu chhawhchhi hmuna awm, a eichhetu rannung leh natna chu a tir te atangin, an inthlahpun tam hma leh a nasat hmain eng ang rannung leh natna nge a nih tih lo hriat te, rannungtha eng ang chi nge awm tih lo hriat te hi a ni. He mi atan hian a hmun ngeiah kal in thlithlai tur a ni. Agriculture Department-a thawk ten thingtlang a chhawhchhi chingtu loneitute pawh chawkphurin chhawhchhi hmuna rannung leh natnate thlithlai tura a huhoa kal dan ruahman tur a ni. Rannung leh natna chuan a hlauhawm chin ETL a thlen chauhin a suat remna leh natna ven kawngah hma lak tur a ni.

1. Chhawhchhi hmunfan thuak thuak: Hmun hrang hranga chhawhchhi hmun chu ni 14 danah tlawh tur a ni a, a hnuah rannung leh natna awm dan azirin ni 10 danah tlawh nawn leh thin tur a ni. Chutianga chhawhchhi hmun i fan apiang chuan hmun khatah chhawhchhi kung 20 tal chik takin en zel la, a rah khertu pangang, rannung dang, natna leh rannungtha leh maimawm i hmuh ang angte ziakin chhinchhiah zel ang che.

2. Chhawhchhi hmun fan: Chhawhchhi hmuna rannung leh natna chuan a hlauhawm chin ETL a thleng dawn em tih leh rannungtha eng ang nge awm tih hre turin Agriculture Department-a thawkte leh loneitute chuan ni 7 danah vawi khat tal a huhoa chhawhchhi hmun tlawh tur a ni. Chhawhchhi eitu rannung natna leh rannungtha awm te thlithlai tura chhawhchhi hmun tlawh a tul thu loneitute hriattir nan Agriculture Department chuan DDK, Radio, Local Cable T. V. leh chanchinbuah te a chhuah tur a ni.

3. Agro Eco System Analysis (AESA) AESA chungchang chu chipchiar zawkin hmundangah tarlan a ni. AESA- a tihtur te chu:

     1) Chhawhchhi tiah atanga a seng hun thlenga a hrisel dan.

     2) Rannungin an eichhiata, natna in a tlakbuak pawha ama chaknaa chhawhchhi a insiamthat leh theih dan.

     3) A eichhetu rannung leh rannungtha in tam hleih dan.

     4) Chhawhchhi hmun lei chu a ro nge a hnawng, a thur nge a al, balu lei nge lei changtual

     5) Sik leh sa awm dan, ruahsur dan, khua a ro dan.

     6) Tunhma lam atanga loneitu tawn hriat.

4. Eng thang:

     Chhawhchhi hmunah chuan zanah Eng thang kam (chhit) tur a ni. Laltin/Petromax/Electric bulb khai tur a ni a, a hnuaiah chuan chawhtawlh-ah tui dah a, sahbawn nuai phuan ila, a hnuah khawnvartui tlem telh tur a ni. Tichuan eng lawmin rannung an rawn thlawk sup sup ang a, an chauh hnuah chawhtawlhah chuan an tla anga, eng ang rannung nge tih thliar tawh tur a ni.

III. RANNUNG HLAUHAWM KHAWP A TAM(ETL)

IV. IPM HMAN TURTE

1. Loneitu thiam sa

     1) Nipui lain thuk deuh hleka lei lehphut tur, hei hian leia awm rannung biru leh thlai rulhut a pho chhuak anga, nisa in a em hlum dawn a ni.

     2) A chin hun dik takah chhawhchhi chu theh/chin tur.

     3) Heng a hnuaia chhawhchhi chi tha thar hlawk leh natna do thei te hi chin ni se.

III. RANNUNG HLAUHAWM KHAWP A TAM(ETL)

     A hun takah a chi mamawh zat chin/theh tur (Hectare khatah a chi 5kg a tawk)

     Chhawhchhi kung inkar hi 15cm a zau ni se, a kung tlar inhlat zawng hi 30cm ni se, chutiang tur chuan a tul dan azirin chhawhchhi chu suat thawl/then tur.

      A chi tuh/theh atanga ni 45 hnuah chhawhchhi hmun chu tum 2 tal thlawh tur a ni.

     Chhawhchhi leh chana hring (moong) emaw Behliang emaw chin pawlh a tha.

2. Hmanraw dang hman

     1) Pangang chi hrang hrang vai a, hmeh hlum tur.

     2) Lungphur thlahtu leh rannung man nan Eng thang kam tur.

     3) Chhawhchhi zik/par piangsual, (lian leh phek deuh,zamzo par kuang ang) apiang chu pawha, hal ral tur.

     4) Lei lehphut laiin hnim zung, bulbal leh thlai kung hlui te lak khawma, vauah paih tur.

3. Rannungtha/hrik tha hman Chhawhchhi chi 1kg leh Trichoderma viride 4gms chawpawlh tur, hei hian a chi tawih leh a zung tawih natna lakah a veng thei.

4. Rannung thahna hlo leh natna damdawi hman

A. Rannung suat nan

     1) Vawi hnih tal Neem atanga siam rannung thahna hlo @ 2ml leh tui 1 litre chawhpawlh kah tur. (Neem hian rannung a tihlum lo a, rannungin thlai an eiduh loh phaha, an kian san zawk a ni.)

     2) Heng a hnuaia rannung thahna hlo eng emaw ber hi kah tur a ni. Dimecron 40 EC @ 3ml leh tui 1 litre chawhpawlh. Carbaryl WP @ 2gm leh tui 1 litre chawhpawlh Quinalphos 25EC @ 4ml leh tui 1 litre chawhpawlh Dimethoate 30EC @ 2ml leh tui 1 litre chawhpawlh

B. Natna enkawlna

     1) Tuh/theh hmain chhawhchhi chi 1 kg leh Captan/thiram @ 3gm nuaipawlh tur.

     2) Ni 10 danah Mancozeb 75 WP @ 2gm leh tui 1 litre chawhpawlh kah tur.

     3) Bacteria laka a him nan tuh hmain chhawhchhi chi 1 kg leh Agrimycin 100 @ 250ppm (250 mg leh tui 100 litre chawhpawlh) nuaipawlh tur.

     4) Bacteria vanga a hnah rau leh a hnah val a awm a nih chuan Straptocycline @ 500ppm in kah tur (500mg leh tui 100 litres chawhpawlh)

     5) A parlai atanga a rah thlengin vutbuak natna a awm a nih chuan Sulphur WP @ 2gm leh tui 1 litre chawhpawlh kah tur.

     6) A zik/par piangsual hi MLO vanga awm a ni a, he natna hrik hi rannung, a tuihnang dawt chi ho thehdarh a ni. Chuvangin a thehdarhtu rannung suat nan Dimethoate 30EC @ 2ml leh tui 1 litre chawhpawlh-a kah tur.

5. Hnim suat

     1) A chi mamawh tawk chu lei hnawn that hnuah tuh/theh tur a ni. Fertilizer pawh a mamawh tawk hman tur a ni, tichuan chhawhchhi a hrisel anga, natna a do thei anga, hnim in a dip hmain a thanglian hman dawn a ni.

     2) A chi tuh/theh atanga ni 45na hmain tum hnih, ni 20 leh ni 35 naah hlo thlawh tur a ni.

V. CHHAWHCHHI THAN LEN DAN ANGA IPM HMAN TURTE

VI. CHHAWHCHHI ENKAWL CHUNGCHANGA TIH TUR LEH TIHLOH TUR